عبثية العباسية

من زمان كانو بيقولوا اسمها رمز للمجانين

شالت في حضنها بيت عيلتنا بيت اعز اتنين

في كل شارع كان ليا خطوة .. كان فيه حنين

كان ليا ورقة كتبت عليها قصة من سطرين

وكتاب قديم ووردة ناشفة عليها شعر حزين

والنهاردة اتجننت احضانها ولملمت ملاعين

مش فارقة عندي هما مجرمين أو هما مين

بعتروا في شوارعها عمري واحلام السنين

ضيعوا صدى صوتنا .. لما كنا صغيرين

وانا من بعيد .. بعيد أوي.. سامعة الآنين

زهرة لوتس