انا مهرج الملك
انا اللي بكيتو و ضحكك
انا اللي ع الحلوة نسيتو
و ع المرة غصبتو و بلعها لك
تجيني مشتاق لضحكتي
و حكاياتي و نكتتي
و لما تفر دمعتي ..تفر انت و ضحكتك
انا… مهرج الملك
اللي مالوش في الدنيا صاحب مشترك
و مالوش ونيس يلون له وشو و دنيتو
و لا فيش جليس يستناه يخلص نمرتو
يا إما بكل الوان السعادة يلونك
يا إما راسو تطير او يتحبس وسط الشبك
و يبقى المهرج وحيد في اخر حفلتو
الوانو سايحه ف ضحكتو و ف دمعتو
و لما تنشف …. الوانو … او دمعتو
يرجع تاني يبهرج … يهرج …. ليحيا الملك
زهرة لوتس
زهرة لوتس 